समाजसेवी आशिका तामाङले स्थानीय बजार क्षेत्रमा उपभोक्ताको हितका लागि व्यापक बजार अनुगमन गरेकी छिन्। अनुगमनको क्रममा उनले खाद्य वस्तुको गुणस्तर, मूल्य, म्याद सकिएका सामग्री, र स्वच्छता जस्ता विषयमा विशेष ध्यान केन्द्रित गरेकी छिन्।
तामाङले उपभोक्ताको गुनासोका आधारमा बजार क्षेत्रमा सक्रियता बढाउँदै म्याद नाघेका सामान बिक्री भइरहेको जानकारी पाएपछि तुरुन्तै अनुगमनको पहल गरेकी थिइन्। अनुगमनका क्रममा धेरै पसलहरूमा मूल्यसूची टाँस गरिएको नदेखिनुका साथै म्याद गुज्रिएका खाद्य वस्तुहरू बिक्री भइरहेको पाइयो।
उनी नेतृत्वको टोलीले व्यापारीहरूलाई सचेत गराउँदै उपभोक्ताको स्वास्थ्यमा गम्भीर असर पुर्याउने काम नगर्न चेतावनी दिएको छ। साथै, अनुगमनपछि म्याद गुज्रिएका सामानलाई तत्काल नष्ट गर्न निर्देशन दिइएको छ।
समाजसेवी तामाङले अनुगमनपछि भनिन्, “हामी सबैले उपभोक्ताको अधिकारको संरक्षणका लागि जिम्मेवारीपूर्वक काम गर्नुपर्छ। गुणस्तरहीन र म्याद नाघेका वस्तुहरूले स्वास्थ्यमा गम्भीर समस्या निम्त्याउन सक्छ, त्यसैले सबै व्यापारी सचेत हुन आवश्यक छ।”
उक्त अनुगमनले स्थानीय तहका उपभोक्ताहरूले राहतको अनुभव गरेका छन्। उनीहरूले समाजसेवी तामाङको सक्रियताको प्रशंसा गर्दै यस्ता अभियानलाई निरन्तरता दिन आग्रह गरेका छन्।
Comments
Post a Comment