श्री तिलकेश्वर आधारभूत विद्यालयको अभिभावक भेला सम्पन्न

बेलकोटगढी|बेलकोटगढी नगरपालिका स्थित श्री तिलकेश्वर आधारभूत विद्यालयमा  अभिभावक भेला सम्पन्न भएको छ। उक्त भेलामा प्रमुख आतिथ्यका रूपमा बेलकोटगढी नगर प्रमुख श्री जगत बहादुर गुरुङ र विशेष आतिथ्यका रूपमा वडा नं. ४ का वडा अध्यक्ष श्री चन्द्र बहादुर लामा उपस्थित रहेका थिए।

अभिभावक भेलामा विद्यालय व्यवस्थापन समितिका नयाँ सदस्यहरूको चयन प्रक्रिया समेत सम्पन्न भएको थियो। सर्वसम्मत  मनोनयन निम्नलिखित व्यक्तिहरूलाई विद्यालय व्यवस्थापन समितिको चार सदस्यहरु साथै थप दुई सदस्यको रूपमा चयन गरिएको छ:

1. सुकुमान तामङ

2. भावना अधिकारी (सुबेदी)

3. सरस्वती भण्डारी (सुबेदी)

4. भिम बहादुर तामाङ

5. सुस्मा तामाङ

6. होम बहादुर सुबेदि

चयन गरिएका सदस्यहरूले विद्यालयको व्यवस्थापन र शैक्षिक गतिविधिहरूमा सक्रिय भूमिका निर्वाह गर्ने प्रतिवद्धता जनाएका छन्। यस अवसरमा नगर प्रमुख गुरुङले विद्यालयको समग्र सुधार र प्रगति लागि सरकारको पूर्ण समर्थन जारी राख्ने बताएका छन्। साथै, वडा अध्यक्ष लामाले विद्यालयको गतिविधिहरूमा अभिभावकहरूको अधिक संलग्नता र समुदायको सक्रिय सहभागिता सुनिश्चित गर्नुपर्ने कुरामा जोड दिएका थिए।

यस भेलामा विद्यालयका शिक्षक, अभिभावक र स्थानिय समुदायका प्रतिनिधिहरूको उत्साहजनक सहभागिता रहेको थियो, जसले विद्यालयको समग्र समृद्धिका लागि सहयोगको वातावरण सृजना गर्ने विश्वास व्यक्त गरेका छन्।