धुनि
वेशी – निरजरा ब्यूटी सलुन र तालिम केन्द्रका सन्चालक राजन कुँवर र नुरा कुँवरको नेतृत्वमा धुनिबेशी नगरपालिका ७ स्थित गुरुदुम आधारभूत विद्यालय र चण्डी देवी आधरभूत विद्यालयका विद्यार्थीहरूलाई न्यानो कपडा वितरण गरिएको छ। यस कार्यक्रमले उक्त विद्यालयका विद्यार्थीहरूको शारीरिक स्वास्थ्य र आत्मविश्वासमा सुधार ल्याउने उद्देश्य राखेको छ।
कार्यक्रममा न्यानो कपडा वितरणसँगै, विद्यार्थीहरूको कपाल सफा गरिदिनु पनि महत्त्वपूर्ण कार्यको रूपमा पर्यो। यसबाट विद्यार्थीहरूले स्वच्छता र स्वस्थ्य जीवनशैलीको महत्त्व बुझ्न र अपनाउन मद्दत पाइरहेका छन्।
कार्यक्रमको प्रमुख आयोजनकर्ताका रूपमा राजन र नुरा कुँवरले, "समाजसेवा भनेको केवल आवश्यकता पुगेको समयमा सहयोग गर्नु मात्र होइन, सधैं समुदायसँगै रहेर सकारात्मक परिवर्तन ल्याउने प्रयास गर्नु हो," भने।
यस कार्यक्रमलाई सफल बनाउन राजाराम डंगोलले तस्वीरहरू खिचेर कार्यक्रमको महत्त्व र योगदानलाई उजागर गरेका छन्।
समाजमा यस्ता कार्यक्रमहरूले एक आपसमा सहकार्य र सहयोगको महत्त्वलाई दर्शाउँछन् र यसले धुनिबेशीका विद्यार्थीहरूको जीवनमा सकारात्मक परिवर्तन ल्याउने विश्वास गरिएको छ।
Comments
Post a Comment