विजय तामाङको कृषिमा सफलता र समाजसेवामा योगदान

डिलबहादुर लामा-दियाले।नुवाकोट जिल्लाको बेलकोटगढी नगरपालिका वार्ड नम्बर ४, दियालेका विजय तामाङ लामो समयदेखि कृषिमा समर्पित छन्। उहाँको प्रमुख व्यवसाय तरकारी खेती र कुखुरा पालन हो, जसमा आलु, काउली, लसुन, बन्दा र प्याज खेती गर्दै आएको छ। साथै, उहाँले अण्डा दिने कुखुरा र ब्रोइलर पनि पालन गर्दै परिवारलाई आर्थक रुपमा सबल बनाइरहनुभएको छ।

तरकारी खेती र कुखुरा पालनमा उत्कृष्ट व्यवस्थापनका कारण विजय दाइले राम्रो आर्थिक फाइदा प्राप्त गर्नु भएको छ। उहाँको कृषिको मेहनत र सिपले न केवल आफ्नो परिवारको जीवनस्तर उकास्नमा मद्दत पुर्याएको छ, तर उहाँका छिमेकी र स्थानीय समुदायलाई पनि कृषि उत्पादनमा उत्साहित गराएको छ।

विजय तामाङ कृषक मात्र नभई, कृश्चियन धर्मका एक सक्रिय पास्टर पनि हुनुहुन्छ।उहाँले धर्मका संदेशसँगै समाजसेवामा पनि योगदान पुर्याउँदै, असहाय र पीडित व्यक्तिहरूसँग सहकार्य गर्दै आएका छन्। विजय दाइको योगदान र श्रमशीलता समुदायमा प्रेरणाको स्रोत बनेको छ।

उहाँका श्रीमती पनि यस कार्यमा साथ दिनुहुन्छ, र दम्पती मिलेर कृषिकर्म र समाजसेवामा अभूतपूर्व सफलतासँग अघि बढ्दै आएका छन्। परिवारका दुई छोरा रहेका छन्, जसमा जेठो छोरा विदेशमा कार्यरत छन्। विजय तामाङको जीवनशैली र कार्यशैलीले एकता, समर्पण र परिश्रमको असल उदाहरण प्रस्तुत गरेको छ।

यस प्रकारको बहु-आयामिक योगदानले उहाँको क्षेत्रका अन्य कृषकहरूलाई पनि प्रेरित गर्ने काम गरेको छ, र समग्र समुदायमा सकारात्मक प्रभाव परेको छ।