धादिङ, बेनीघाट रोराङ गाउँपालिका वडा नम्बर ६, स्यादुलस्थित पञ्चकन्या माध्यमिक विद्यालयमा विद्यार्थीलाई शैक्षिक सामग्री तथा पोसाक वितरण गरिएको छ। यो कार्यक्रम गाउँपालिकाको समन्वय, चाइल्ड फण्ड जापानको साझेदारी र प्रयास नेपाल धादिङको सहकार्यमा सम्पन्न भएको हो।
कार्यक्रमअन्तर्गत विद्यालयका दर्जनौं विद्यार्थीलाई आवश्यक पुस्तक, कापी, झोला, स्टेसनरी सामग्री र विद्यालय पोसाक वितरण गरिएको छ। यस्तो पहलले ग्रामीण क्षेत्रका विद्यार्थीहरूको पठनपाठनमा थप सहजता र उत्साह प्रदान गर्ने विश्वास गरिएको छ।
गाउँपालिकाका प्रतिनिधिहरू, विद्यालयका शिक्षक, र अभिभावकहरूको उपस्थितिमा सम्पन्न कार्यक्रममा प्रयास नेपालका अधिकारीहरूले शिक्षा सबैको अधिकार भएको र यस्तो सहयोगले विद्यार्थीहरूको भविष्य निर्माणमा सहयोग पुर्याउने बताए।
यस किसिमका कार्यक्रमहरूले ग्रामीण क्षेत्रका शैक्षिक स्तरलाई सुधार गर्न महत्त्वपूर्ण भूमिका खेल्ने अपेक्षा गरिएको छ।
Comments
Post a Comment