बेलकोटगढी, नुवाकोट – बेलकोटगढी नगरपालिकाको दोस्रो नगर सभा तथा पाँचौं नगर अधिवेशन (हिउँदे नगर सभा) सम्पन्न भएको छ। नगरप्रमुखको अध्यक्षता तथा उपप्रमुख शिवप्रसाद दाहाल, नगरसभा सदस्यहरू र कर्मचारीहरूको उपस्थितिमा सम्पन्न उक्त सभामा विभिन्न महत्वपूर्ण निर्णयहरू पारित गरिएका छन्।
नगर सभाले नगर क्षेत्रका विकास, पूर्वाधार निर्माण, शिक्षा, स्वास्थ्य, कृषि, तथा अन्य क्षेत्रका महत्वपूर्ण योजनाहरूलाई अघि बढाउने निर्णय गरेको छ।
त्यसैगरी, चिम्टेश्वरमा कम्तीमा ५० फिट अग्लो शिव मूर्ति निर्माण गर्ने उद्देश्यका साथ आयोजना गर्न लागिएको सप्ताह ज्ञान महायज्ञमा बेलकोटगढी नगरपालिकाका सम्पूर्ण जनप्रतिनिधिहरूले एक महिनाको तलब तथा सेवा-सुविधा बराबरको रकम उपलब्ध गराउने निर्णय सर्वसम्मतिले पारित गरिएको छ।
यस निर्णयले धार्मिक तथा सांस्कृतिक महत्वलाई प्रवर्द्धन गर्नुका साथै स्थानीय पर्यटन प्रवर्द्धनमा समेत टेवा पुग्ने विश्वास गरिएको छ।
Comments
Post a Comment